Avatar: Fire and Ash er den tredje filmen i den fenomenalt suksessfulle Avatar-serien.

James Cameron tek oss med tilbake til Pandora i eit gripande nytt eventyr med Jake Sully (Sam Worthington), Neytiri (Zoe Saldaña), og resten av Sully-familien.

THE HOUSEMAID er ein svært underhaldande thriller med Sydney Sweeney og Amanda Seyfried i hovudrollene, basert på den bestseljande boka «Hushjelpen» av Freida McFadden. I eit forsøk på å rømme frå fortida byrjar Millie (Sweeney) å jobbe som hushjelp hos den styrtrike Nina (Seyfried) og Andrew Winchester. Det som med ein gong verkar som ein draumejobb, snur raskt til noko livsfarleg: eit sexy og forførande spel, spekka med hemmelegheiter, skandalar og maktkamp. Det som skjer bak dei lukka dørene hos familien Winchester, vil garantert sjokkere deg – ein film full av vendingar og overraskingar. Perfeksjon er ein illusjon – er eigentleg noko slik det ser ut til å vere?

Ei uprøvd oppfinning, ein nysgjerrig Solan og ein topptrimma plenklippar på ville vegar fører til at ordføraren bannlyser trioen frå Flåklypa. Solan, Ludvig og Reodor må difor vinne det spektakulære rallyet frå Paris til pyramidane – denne sigeren er den einaste måten å kome heim att på.
Il Tempo Gigante skal ut på vegen, og det blir full gass, høg puls og sjarmerande moro når trioen forlèt den trygge bygda og legg ut i den store verda.

FØRPREMIERE
Med Truls Svendsen og Eyvind Hellstrøm i rollene som den gode og den vonde!

Ta med heile familien på årets mest elleville togtur! Ein gjeng søte kjæledyr, eit togkupp og masse action – tut tuuut! Fest setebeltet – dette blir ein tur du seint vil gløyme.

Ein gjeng kjæledyr blir fanga om bord på eit kapra hurtigtog som rasar av garde i full fart. No må dei stoppe Hans, ein ondskapsfull grevling som er ute etter hemn. Sjølv om eit krasj verkar uunngåeleg, er vaskebjørnen Falken både lur og oppfinnsam – og klar til å gjere alt for å redde alle om bord.

KJÆLEDYREKSPRESSEN er ein actionfylt familiefilm, full av humor og spenning.
Ordinær premieredato: 23.01.2026

Doug (Jack Black) og Griff (Paul Rudd) har vore bestevener sidan barndommen og hatt éin absurd draum: å gjenskape favorittfilmen sin, den «klassiske» Anaconda. Når midtlivskrisa tek dei igjen, bestemmer dei seg for å realisere draumen og reiser djupt inn i Amazonas for å starte innspelinga. Men draumen blir til mareritt når ei ekte, gigantisk anaconda dukkar opp, og det komisk kaotiske filmsettet utviklar seg til ein kamp for rein overleving.

Asgeir er oppteken av tenåringslivet og har ikkje så mykje tid til Rutete Ninja og ninjatrening. Kva er eigentleg vitsen, dei har jo uansett ingen slemmingar å slåst mot. Og Eberfrø omkom jo under mistenkjelege omstende i eit fengsel i Thailand. Ei ny, søt jente byrjar på skulen, men kven er ho eigentleg? Og kven er faren til Asbjørn? Og er Eberfrø eigentleg død? Svara på dette får du ikkje før du ser filmen Rutete Ninja 3. Kva med onkel Stewart, tenkjer du? Ingen grunn til uro: han er med. No i lakk og lær.

Havfolket er ei nostalgisk, vittig og ellevill hyllest til livet langs norskekysten, og til folket som har klamra seg fast på øyar, holmar og i fiskevær i uminnelege tider. Kinodokumentaren er sett saman av unike arkivskattar frå nesten hundre år, og mellom forteljarane finn vi nokre av dei beste stemmene langs kysten, som Halvdan Sivertsen, Trude Drevland og Pål «Moddi» Lue.
Resultatet er ein storslått film som skildrar ein kystkultur som svært mange av oss er forankra i, og som alle har eit forhold til. Knapt nokon nordmann er uberørt av havet, anten ein forbind det med fiske og fangst, ferjekøar og strenge billettørar, knallharde vindkast og stengde bruer, eller sankthansfeiring og ungdomsflørt på holmar og skjer. Havfolket rører innom viktige hendingar, som starten på oljeeventyret og nedbrenninga og gjenoppbygginga av Finnmark – men det er menneska og kvardagslivet langs kysten som er sjølve essensen i filmen

I kjølvatnet av eit kometnedslag som har utsletta det meste av jorda, følgjer GREENLAND 2: MIGRATION familien Garrity (Gerard Butler, Morena Baccarin og Roman Griffin Davis), som blir tvinga til å forlata tryggleiken i bunkeren sin på Grønland og kryssa ei øydelagd verd på leit etter ein ny heim.