Skakke

DIGGER er den nye filmen til den Oscar-vinnande filmskaparen Alejandro G. Iñárritu, med Tom Cruise i tittelrolla.

Den mektigaste mannen i verda legg ut på eit panisk oppdrag for å bevise at han er menneskeheita sin redningsmann, før katastrofen han sjølv har utløyst, øydelegg alt.

Cruise spelar saman med Oscar-vinnaren Riz Ahmed, John Goodman, den Oscar-nominerte Sandra Hüller, Michael Stuhlbarg og den Oscar-nominerte Jesse Plemons.

Ein vinternatt på Holmlia mistar 15 år gamle Benjamin livet – drepen av 19 år gamle Joe Erling, berre fordi han er mørk i huda.

Eitt år seinare står mora til Benjamin, Marit, overfor alle foreldres verste mareritt: rettssaka mot han som drap sonen hennar.

Vi følgjer Marit i kampen hennar i retten, og gjennom tilbakeblikk til livet før tragedien blir to lagnader vevde saman.

Benjamin veks opp omgjeven av vener og ei mor som tek vare på han, medan Joe Erling blir forma i eit miljø prega av omsorgssvikt. Begge bur i område med låg sosial status. Benjamin opplever at politiet stigmatiserer han, medan Joe Erling søkjer tryggleik i det nynazistiske Boot Boys-miljøet.

Filmen skildrar kor sårbart det er når unge gutar prøver å finne seg sjølve og sin plass i fellesskapet – og kor katastrofale konsekvensane kan bli når hatet får rom til å gro.

25 år etter drapet på Benjamin Hermansen er dette ei historie vi framleis må fortelje – om rasisme, tap og håpet om forsoning i eit samfunn som ikkje må gløyme.

Sauen Shaun er tilbake!

Bebuarane på Mossy Bottom Farm gler seg til Halloween – heilt til den klønete bonden øydelegg den kjære gresskarhagen til flokken. Shaun prøver seg som vitskapsmann for å ordne opp, men ting kjem raskt ut av kontroll. Det fører til at eit vilt dyr byrjar å streife rundt i skogen.

Skye, Ryder, Marshall og Chase er endeleg tilbake!

I det største oppdraget sitt til no kjem dei firbeinte favorittane våre til unnsetning etter at dei blir stranda på ei mystisk øy. Det viser seg at øya er heilt spesiell – der lever eit rikt mangfald av dinosaurar. Den sleipe borgarmeisteren Humdinger kjem òg til øya, men berre for å utnytte dei naturlege ressursane hennar.

Marshall, Skye, Ryder, Chase og resten av gjengen må leggja ut på ein stor redningsaksjon – både for å sikre at dinosaurane overlever, og for å hindre ei naturkatastrofe.

Askeladden Friteater kjem med ei ny framsyning!

Song, musikk, humor og ekte speleglede. Gøy for store og små!

«Bia og Honningtyven»

Ei morosam, søt og engasjerande historie om dei to små biene «Bia» og «Drone».

På ein spennande og underhaldande måte fortel dei historia om livet i og utanfor bikuben. Travle dagar for «Bia», som er ute heile dagen og sankar nektar og pollen til bifolket heime. «Drone» trivst derimot best heime i bikuben, der han har gode dagar med honning og drøymer om den store dagen han får bli med Dronninga på flytur.

Av og til kjem det andre på besøk som også forsyner seg i bikuben. Kven kan det vere?

Store og små får sjå ei framsyning om «Bia og Honningtyven», samt lære litt om biene sitt liv og betydning for samspelet i naturen.

Intensjonen med framsyninga er å gi litt kunnskap, inspirasjon og respekt for biene si rolle.

8 år gamle Bela bur saman med foreldra sine då ho ein dag får ein usynleg ven som ser ut som mora hennar. Men er «andre mamma» berre fantasi?

Foreldra sine samlivsproblem har slått sprekker i grunnmuren til familieidyllen. Når den mystiske «andre mamma» sitt nærvær blir trugande, tek det ikkje lang tid før alt står i fare for å rase saman.

Skrekkfilmekspertane i Blumhouse har fått med seg Jessica Chastain og Jay Duplass i to av hovudrollene når dei denne gongen tek for seg overnaturlege truslar i den aller næraste krinsen.

Ny tolking av Jane Austens store klassikar

Den nye filmatiseringa av Jane Austens hylla klassikar pustar nytt liv i den rørande forteljinga om Dashwood-systrene, i ei tidlaus historie om kjærleik, søsterskap og samfunnets forventningar i England på slutten av 1700-talet.

Etter at faren døyr, mistar familien både heimen sin og den økonomiske tryggleiken. Mrs. Dashwood må ta med seg dei tre døtrene sine til langt meir beskjedne kår på landsbygda. I ei tid der kjærleik, velstand og sosial status er tett vevde saman, må dei unge jentene ta kloke val for å sikre framtida til familien.

Sauen Shaun er tilbake!

Bebuarane på Mossy Bottom Farm gler seg til Halloween – heilt til den klønete bonden øydelegg den kjære gresskarhagen til flokken. Shaun prøver seg som vitskapsmann for å ordne opp, men ting kjem raskt ut av kontroll. Det fører til at eit vilt dyr byrjar å streife rundt i skogen.

Ein varm og spennande roadmovie om systrer, mot og det å finne si eiga superkraft.

«Årets beste norske barnefilm» – Adressa
«Eit meisterverk» – P4

Filmen følgjer systrene Billie (12) og Vega (16). Familien er i oppløysing, og Billie lengtar tilbake til styrken ho og systera ein gong fann saman – det dei kalla si superkraft. Med faren sitt analoge kamera som følgjesvenn legg Billie ut på ei reise som blir både fysisk og kjenslemessig. Undervegs møter ho menneske og situasjonar som utfordrar henne, men som òg gir henne meistring. Ho må stole på seg sjølv, improvisere og handtere det uventa.

Tilbake til Tottori er oppfølgjaren til Tottori! Sommeren vi var alene frå 2020. Karakterane er no seks år eldre, og målgruppa har vakse med karakterane. Filmen passar godt for barn og ungdom mellom 8 og 14 år. Den første filmen blei svært godt motteken av både publikum og kritikarar og vann ei rekkje prisar i Noreg og utlandet, mellom anna Amanda for «Årets barnefilm». Men du treng ikkje ha sett den første filmen for å ha glede av denne, som òg får svært gode meldingar.

Her kan du kjøpa billett til festmiddagen under NM i bruk av gjetarhund.

Meny:
Blomkålsuppe med sprøsteikt bacon
Biffgryte med potetstappe og salat
Sjokolademousse

Det blir mulighet for ein svingom etter middagen. 🙂

Merk: Påmeldingsfristen er onsdag 07. oktober.

Sauen Shaun er tilbake!

Bebuarane på Mossy Bottom Farm gler seg til Halloween – heilt til den klønete bonden øydelegg den kjære gresskarhagen til flokken. Shaun prøver seg som vitskapsmann for å ordne opp, men ting kjem raskt ut av kontroll. Det fører til at eit vilt dyr byrjar å streife rundt i skogen.

Bestevennene Jo og Raissa veks opp på Filippinane på 90-talet. Når den eine av dei brått må flytte, fryktar dei at vennskapet deira vil endre seg for alltid.

Ein av dei siste kveldane deira saman blir dei to jentene transporterte gjennom ein mystisk portal til den magiske øya Nakali. Her møter dei ein verden inspirert av filippinsk mytologi – befolka av skapningar, ånder og monster dei aldri har sett maken til.

Mens dei leitar etter vegen heim, oppdagar dei ein farleg løyndom ved øya: Jo lengre ein oppheld seg der, desto meir gløymer ein.

Målet blir dermed også ein kamp for å ta vare på minna og bandet som har knytt dei saman heile livet – før det er for seint.

8 år gamle Bela bur saman med foreldra sine då ho ein dag får ein usynleg ven som ser ut som mora hennar. Men er «andre mamma» berre fantasi?

Foreldra sine samlivsproblem har slått sprekker i grunnmuren til familieidyllen. Når den mystiske «andre mamma» sitt nærvær blir trugande, tek det ikkje lang tid før alt står i fare for å rase saman.

Skrekkfilmekspertane i Blumhouse har fått med seg Jessica Chastain og Jay Duplass i to av hovudrollene når dei denne gongen tek for seg overnaturlege truslar i den aller næraste krinsen.

Ny tolking av Jane Austens store klassikar

Den nye filmatiseringa av Jane Austens hylla klassikar pustar nytt liv i den rørande forteljinga om Dashwood-systrene, i ei tidlaus historie om kjærleik, søsterskap og samfunnets forventningar i England på slutten av 1700-talet.

Etter at faren døyr, mistar familien både heimen sin og den økonomiske tryggleiken. Mrs. Dashwood må ta med seg dei tre døtrene sine til langt meir beskjedne kår på landsbygda. I ei tid der kjærleik, velstand og sosial status er tett vevde saman, må dei unge jentene ta kloke val for å sikre framtida til familien.

FØRPREMIERE 1. Oktober.
I høve ELDREDAGEN 1. oktober inviterar me til FØRPREMIERE på «Pensjonskuppet»
I tillegg til filmvisning kan me by på nydeleg lapskaus i forkant av filmen. Du finn billettar med eller utan servering på skakke.no/kino
Dette er ei fin anledning for besteforeldre til å ta med barnebarna på kino – eller omvendt – Filmen passar for alle 🙂
Lapskaus serveres frå 15.30-16.30 – Filmstart 16.30.
For å sikre nok mat set me veldig pris på at du kjøper billett i forkant.

Årets villaste komedie!

Etter 40 år med støvtørking og trufastheit får Annema (65) løna si: sparken som kone. Ektemannen Arne har funne seg ein yngre modell og kastar henne på dør. Saman med Nina, som er «for gammal» for arbeidslivet, og Mona, som er for blakk til å overleve, bestemmer trioen seg for å pensjonere seg frå lovlydigheita.

Dei planlegg eit umogleg kupp: å rane sjølvaste Oljefondet.

Ein ellevill komedie om ein høgst uoffisiell, men velfortent, førtidspensjon.

Etne mållag og Etne bibliotek inviterer ALLE på stor barnebursdag sidan mållaget fyller 100 år i år! Me synes det er kjempeviktig at dei viktigaste menneska i verda – barna – får ta del i feiringa av mållaget og språket vårt!
Kl. 10.00-11.00 serverer me frukost i biblioteket – det vert lappar og saft:-)
Kl. 11.00 MORGONFROSKEN spelar morgonkonsert. Gjesteartistar er: 1. og 2. klasse, Enge skule.
Kl. 12.00 Avduking av stort veggmåleri i biblioteket med motiv frå «Pølsetjuven» (laga av Marianne Gretteberg Engedal)
Etter konserten og avdukinga er det gratis pølser til alle i Skakke. Det vert òg bursdagskake!
På biblioteket finn du ei flott utstilling av 3. klasse, Enge skule. Dei har laga EIN KJEMPELONG TAKKESONG med utgangspunkt i Per Olav Kaldestad sitt dikt «Takkesong».
Biblioteket er fint pynta med Inger Lise Belsvik sin frosk, fargelagt av 1. og 2. klassingar ved Enge skule.
Du finn òg rebus og andre «froskete aktivitetar» på biblioteket denne dagen.

Fire vener reiser saman til Italia, der Eva har arva ein olivengard. Planen er å selje eigedomen, men vel framme melder spørsmålet seg: Kva er det eigentleg dei har å vende tilbake til i Sverige?

I Italia ventar derimot sol, god mat og sjarmerande landsbyliv. Kanskje er tida inne for å gripe dagen – og endeleg gjere draumane sine til verkelegheit.

Skakke og UL Fram inviterer til oktoberfest – ein kveld for å møtast, kosa seg og dansa saman!

Finn fram festhumøret og kle deg gjerne ut. Det blir premie til den som har kveldens beste antrekk, så her er det berre å sleppa kreativiteten laus.

Makalaust spelar opp til dans, og det blir høve til å nyta god drikke, kringler og pizza gjennom kvelden. Her skal det vera god stemning, latter og musikk frå start til slutt.

Ta med deg vener og bli med på å laga ein skikkeleg festkveld saman med oss!

Me gler oss til å sjå deg på oktoberfest!

Gjer deg klar for ein kveld fylt med kraft, musikalitet, energi og sterke kvinner!

Skakkekoret inviterer til storkonsert med eit repertoar som hyllar nokre av dei mange sterke kvinnelege artistane som har sett spor etter seg – gjennom store stemmer, sterke tekstar og musikk som både rører og begeistrar.

Det blir kjende og kjære songar frå ulike sterke kvinnelege artistar, framført av Skakkekoret saman med eit fantastisk liveband. Her får du både kraftfulle låtar, vakre melodiar og kanskje nokre overraskingar undervegs!
Ta med deg vennegjengen, familien eller nokon du er glad i – og bli med på ein konsertkveld med skikkeleg girl power!

Gjer deg klar for ein kveld fylt med kraft, musikalitet, energi og sterke kvinner!

Skakkekoret inviterer til storkonsert med eit repertoar som hyllar nokre av dei mange sterke kvinnelege artistane som har sett spor etter seg – gjennom store stemmer, sterke tekstar og musikk som både rører og begeistrar.

Det blir kjende og kjære songar frå ulike sterke kvinnelege artistar, framført av Skakkekoret saman med eit fantastisk liveband. Her får du både kraftfulle låtar, vakre melodiar og kanskje nokre overraskingar undervegs!
Ta med deg vennegjengen, familien eller nokon du er glad i – og bli med på ein konsertkveld med skikkeleg girl power!

Kinomagi, aktivitetar, konkurransar.
Den store kinodagen byr på mykje moro for heile familien – Heile dagen.
Og best av alt: Halv pris på billetten

Erika Fatland har hatt eit nært forhold til Ukraina sidan ho første gong vitja landet for 25 år sidan. No har ho tilbrakt ein lang vinter saman med eit folk i krig. Ei personleg reiseskildring frå den bestseljande forfattaren bak Sjøfareren.

Ein leiketøyseljar som er blitt dronepilot, ein kunstnar som under nattlege bombeåtak roer nervane ved å måle peonar, ei ung krigsenkje som har teke mannen sin plass ved fronten.
Erika Fatland har reist gjennom Ukraina i den kaldaste vinteren landet har opplevd på 16 år. Ukraina. Ei vinterreise gir oss nære og rørande møte med soldatane som kjempar ved Europas frontlinje, og med menneske som prøver å leve eit heilt vanleg liv i krigstid.
Den prislønte forfattaren av Sjøfareren, Høyt, Grensen og Sovjetistan er tilbake med ei gripande reiseskildring om eit folk som ikkje let seg knekke.

Erika Fatland er mellom Noregs mest lesne og hylla sakprosaforfattarar. Sjøfareren var den mest selde boka i landet i 2024 og fekk den høgthengande Bokhandlerprisen. Reiseskildringane Sovjetistan (2014), Grensen (2017) og Høyt (2020) er omsette til 26 språk.

Rossman er ein norsk skatt av ein visesongar som må opplevast live. Kjem du?

Nå står han heilt åleine på scena, med gitaren og kofferten full av nye songar og historiar. Det blir ei blanding av gode historiar og konsert, med mykje humor undervegs. Men det er måten Rossman knyter saman det lyse og det mørke på som gjer konsertane hans til noko heilt eige.

Med det nye albumet sitt «Høstmusikk» viser Rossman fram ei ny og nærare side av seg sjølv. Med dei unike lyriske evnene sine set han ord på både dei små og store utfordringane i kvardagen. Saman med produsent Mikhael Paskalev (Jonas Alaska, Billie Van, RickGrove) har Rossman funne fram til eit rolegare uttrykk enn vi har høyrt frå han tidlegare – med ein vokal som er meir formidlande og nedpå enn før, og eit lydbilete som er varmt og nært.

Nå tar han turen til oss med nye songar, historiar og masse humor i kofferten. Velkomen!
Frå 18-20 vert det servert tacobuffet i foajeen (Kjøp billett som inkluderer servering), samt open bar.
Pubkveld etter konserten!

Om Terje Vigen og Ibsens smådjevelar
Etter 50 år i teateret, og med 18–20 Ibsen-rollar på merittlista – dei fleste ved Nationaltheatret – tek Per Egil Aske oss med på ei reise gjennom nokre av høgdepunkta i Ibsens lyrikk og dramatikk. I den første delen av framsyninga byr han på De smaa Djevle, som Ibsen sjølv kalla dikta sine, samt nokre smakebitar frå Peer Gynt. I den andre delen framfører han det gripande langdiktet Terje Vigen. Alt blir bunde saman av mellomtekstar om Ibsens research- og innsamlingsarbeid i Noreg, kombinert med Askes eigne refleksjonar over eit langt skodespelarliv med Ibsen på repertoaret.

NY DATO!!
Ein oppdatert guide til kunstig intelligens.

«Don´t panic er relevant, modig, velskrive, morosam, opplysande og djupt original. Det er alt ein kan be om av ei moderne sceneforestilling. Derfor fortener den terningkast 6,» skreiv SN avis.
Nå er Anne-Kat. Hærland tilbake med ein oppdatert guide til kunstig intelligens, eit år etter det første sceneshowet sitt om KI i Oslo.

Anne Kat Hærland har fordjupa seg i kunstig intelligens i over tre år og har opparbeida seg omfattande kunnskap om temaet. I tillegg til å vera seniorkonsulent for Nora.ai er ho ein ettertrakta foredragshalder om temaet.
Nå er ho på nytt klar for å dela fascinasjonen og innsikta si frå scenekanten på ein måte berre Anne-Kat. kan. Dette er ei forestilling du ikkje vil gå glipp av – ei uforgløymeleg reise gjennom den fascinerande verda av kunstig intelligens, presentert med Anne-Kat. sin unike blanding av humor og skarp observasjon.

Opplev det forrykande showet til Dennis Siva og Stian Sandø!

I ei årrekkje har dei fenga barn og unge med sitt sprudlande og lærerike sceneshow.
Her får du det beste – og det morosamaste – frå TV! Showet er ein festleg cocktail av flammar, eksplosjonar, latter og læring.

Dennis Siva Lie er ein prisvinnande programleiar og energisk formidlar. Han studerte biologi ved UiO, og med sterk lidenskap for klima og natur tek han med seg eit brennande engasjement inn i både føredrag og show. Han debuterte som programleiar for NRK i 2019 i det populærvitskaplege programmet Newton, og har sidan leia Superkroppen og Ikkje gjer dette mot klimaet. Med kombinasjonen av underhaldning og læring har han vunne både Emmy og Gullrute.

Stian Sandø er programleiar, TV-personlegdom og gründer. Han har studert Computer Science og Electrical Electronics ved NTNU, og er grunnleggjar eller medeigar i fleire selskap, mellom anna D-SCOR, Flare og Nerdekollektivet. Frå NRK kjenner mange han frå Newton, Sommeråpent og Unormal.

Påmeldinga til årets julemesse er open! Me ønsker gamle og nye utstillerar velkomne til oss.
Påmelding og meir info får de ved å kontakte Ingvild på mail: kino@skakke.no

Erlend Gunstveit tek med seg Nashville heim til jul
Den Spellemann-nominerte countryartisten Erlend Gunstveit er busett i Nashville – og denne jula tek han med seg dei to Nashville-musikarane Nathalya Kay (fele) og Josh Karas (keys) heim på juleturné i Noreg med programmet «A Very Nashville Christmas».
På juleturneen møter publikum Erlend i front for trioen sin. Med den unike stemma si og eit sterkt engasjement for formidling tek han publikum med gjennom klassiske norske og amerikanske julesongar og smakebitar frå det nye albumet. Låtane blir bundne saman av historiene bak dei, og publikum får eit innblikk i livet som låtskrivar, musikar og artist i Nashville.
Dette blir ein varm og stemningsfull førjulskveld – musikalsk forankra i Amerika, med kjende og kjære norske tradisjonar.
Om Erlend Gunstveit
Erlend Gunstveit voks opp på Sørlandet og arbeidde som anleggsgartnar før musikken tok over for alvor.
I 2021 vann han The Voice Norge – som den første countryartisten til å vinne ein norsk TV-konkurranse i sjangeren.
Gjennom hardt arbeid i Nashville har Erlend jobba med musikarar og produsentar og spelt på ikoniske konsertscener som Bluebird Cafe, Station Inn og Third & Lindsley, for å nemne nokre.
Etter fleire år med store opplevingar i USA – sist med opptredenar under CMA Fest i Nashville i juni 2026, og opptredenar på stadion i Boston, New Jersey og Miami før Noregs kampar under fotball-VM i juli – er det nok av inntrykk og opplevingar å dele frå scena.

Fra vikingtokt til jappetid

Smak deg gjennom norsk historie – frå mjød til champagne.

I «Frå vikingtokt til jappetid» inviterer Knut Bjørnar til ei sansereise gjennom 1000 år med smak, kultur og forteljingar. Frå vikingenes mjød og heimebrygga øl til akevittens gjennombrot og jappetidas champagne – kvart glas speglar eit nytt kapittel i historia om Noreg.

Kva skjedde då bøndene nekta å bryggje øl? Korleis var akevitten med på å endre landet? Og kvifor vart klippfisken årsaka til at vi fekk Vinmonopolet?

Vi smakar oss gjennom epokane med mjød, sider, øl, akevitt, portvin og champagne – nøye utvalde for å spegle historia vi får høyre. Med levande historieforteljing, humor og musikalske innslag gjer Knut Bjørnar kvart tidsbilete nært og ekte. Det blir ei oppleving for både gane og hovud.

Ei kveld for deg som er nysgjerrig på norsk kultur, glad i gode historier – og ikkje minst, gode smakar.

Knut Bjørnar Asphol

Som gitarist, komponist og produsent kombinerer Knut Bjørnar Asphol den lange erfaringa si frå musikkbransjen med bakgrunnen sin som sommelier og vinjournalist. Kunnskapen hans om vinhistorie og generell historie dannar grunnlaget for ei framsyning der formidling og underhaldning går hand i hand.

Han har produsert og spelt for ei rekkje profilerte artistar – mellom andre Alexander Rybak, Hanne Krogh, Helene Bøksle, Erlend Gunstveit og Knut Anders Sørum – og har vore involvert i over 500 utgjevingar. Han er Spellemannprisvinnar og har gitt ut ti eigne album.

Ved sida av musikken skriv han om vin på musicandwine.no.