Krisestaben på Stortinget og leiaren for Delta-troppen, Anton Block, blir stilte overfor den ultimate utfordringa når statsministeren i Noreg forsvinn. Ein terrorist tvingar dei til å delta i eit dødeleg sjakkspel der kvart trekk set menneskeliv i fare. Medan klokka tel nedover, kjempar Anton Block og kompanjongen Björk Jonsdottir for å redde statsministeren og avverje katastrofen som nærmar seg.

Ein nasjon i sjakk er ein actionthriller frå regissør John Andreas Andersen, kjend mellom anna for Nr. 24 og Skjelvet. Filmen er basert på Johan Høsts kritikarroste bokfenomen, som blei ein bestseljar i 2022.

Magien er tilbake!

Med Sandra Bullock og Nicole Kidman i hovudrollene tek «Practical Magic: Family Legacy» oss tilbake til ei verd bada i månelys, med rampestrekar og mektig slektsmagi, der Owens-systrene må konfrontere den mørke forbanninga som trugar med å rive familien deira frå kvarandre éin gong for alle. Dette er ei kinobegivenheit full av moro, magi og kaos du berre må få med deg!

«Practical Magic: Family Legacy» kjem på kino over heile landet frå 11. september.

Ida si bestevenninne, Miriam, bur hos Kronenberg-familien i tre månader og skal gå på Winterstein-skulen saman med Ida. På den første dagen til Miriam får Max den magiske ugla Muriel, og til stor overrasking får Miriam òg eit magisk dyr, den energiske og spøkelsesaktige Fitzgeraldo.

Max og Muriel knyter raskt eit band, og den oppmerksame vesle ugla legg snart merke til at Max kanskje har djupare kjensler for bestevenninna Leonie enn han er villig til å innrømme.

I mellomtida oppdagar Ida at den desperate rektoren, Siegmann, har halde på ein viktig løyndom for elevane: Winterstein-skulen står i fare for å bli seld. Heile det magiske dyrevenn-samfunnet står på spel!

Vil den komande skuleutfordringa bli redninga?

MISS MOXY er ein vakker, musikalsk, litt arrogant og tam katt som bur saman med ei ni år gammal jente i eit nabolag i ein passe stor by.

Jenta og Miss Moxy er veldig glade i kvarandre og likar godt å spele piano saman. Ein dag reiser jenta og foreldra hennar på ferie til ein gard i Sør-Frankrike, og ho smuglar med seg Miss Moxy i bagasjen. Dei to har det heilt topp på ferie saman, men akkurat når dei skal reise heim igjen, blir Miss Moxy borte.

Når Miss Moxy dukkar opp igjen, har jenta reist. Miss Moxy må leggje ut på ei lang reise gjennom Europa for å finne vegen heim att.

Skye, Ryder, Marshall og Chase er endeleg tilbake!

I det største oppdraget sitt til no kjem dei firbeinte favorittane våre til unnsetning etter at dei blir stranda på ei mystisk øy. Det viser seg at øya er heilt spesiell – der lever eit rikt mangfald av dinosaurar. Den sleipe borgarmeisteren Humdinger kjem òg til øya, men berre for å utnytte dei naturlege ressursane hennar.

Marshall, Skye, Ryder, Chase og resten av gjengen må leggja ut på ein stor redningsaksjon – både for å sikre at dinosaurane overlever, og for å hindre ei naturkatastrofe.

Kor mykje avstand toler kjærleiken?

Asle (Leo Magnus de la Nuez) og Gerd (Kristi-Helene Giæver Engeberg) møtest i ein liten kystby lengst vest mot havet. Dei får ein son, og for ei tid er lykka fullkommen. Men Asle, sjømannen, er rastlaus og blir dregen mot havet, medan Gerd blir att i bygda, åleine med barnet (Audun Gallefoss). Avstanden mellom dei veks, og spørsmålet blir stilt: Kor mykje avstand toler kjærleiken?

KJÆRAST er regissert av Erik Poppe og byggjer på nobelprisvinnar Jon Fosses einaste originalskrivne manus for film. Filmen er ei historie om kjærleiken og krafta i lengten.

Tre barndomsvenner, Jane, Coco og Sophie, ser fram til ei luksuriøs helg fylt med spabehandlingar, ro og velvære. Men når den kaotiske vennen deira Mel uventa dukkar opp, blir avslappinga raskt forvandla til reint kaos.

SPA WEEKEND er ein sprudlande komedie om vennskap, forviklingar og den latteren som berre oppstår når alt går heilt gale.

GRATISKINO BONDEMARKNADEN

Minions inntar Hollywood!

Dei gule, små bråkmakarane er no i Hollywood på 1920-talet, der dei prøver å slå gjennom som filmstjerner ved å lage verdas første heilaftans monsterfilm. I jakta på noko verkeleg skummelt brukar dei magi for å mane fram ekte monster, og eit kaos bryt laus langt utanfor sjølve filmsettet. Etter å ha mista kontrollen slår dei seg saman med ei grøn skapning for å rette opp katastrofen dei sjølve skapte.

FØRPREMIERE 1. Oktober.

Årets villaste komedie!

Etter 40 år med støvtørking og trufastheit får Annema (65) løna si: sparken som kone. Ektemannen Arne har funne seg ein yngre modell og kastar henne på dør. Saman med Nina, som er «for gammal» for arbeidslivet, og Mona, som er for blakk til å overleve, bestemmer trioen seg for å pensjonere seg frå lovlydigheita.

Dei planlegg eit umogleg kupp: å rane sjølvaste Oljefondet.

Ein ellevill komedie om ein høgst uoffisiell, men velfortent, førtidspensjon.